Kiă kriê klei bi kƀĭn, Chuẩn Đô đốc Nguyễn Hữu Thoan lač: Hlăm wưng leh êgao, knuă druh lĭng kahan hlăm krĭng 5 kahan êa mâo nanao klei mđing uêñ, dru ba, mđĭ ai hŏng phung knuă druh lĭng kahan, čiăng kơ digơ̆ hơĭt ai tiê ngă bruă, bi leh bruă jao.

Bi ala kơ êpul mơ̆ng 10 čar, ƀuôn prŏng nah Dhŭng, k’iăng khua knơ̆ng bruă sang čư̆ êa čar Vĩnh Long – Đặng Văn Chính bi mni kơ boh tŭ dưn bruă kđi čar krĭng 5 kahan êa mâo ngă leh, lehanăn lŏ mñă jih jang alŭ wăl srăng ngă nanao djăp mta bruă mđing kơ êa ksĭ, plao ksĭ, hlăm lu mta bruă yuôm bhăn, kñăm čiăng mđĭ ai knuă druh lĭng kahan bi leh jăk bruă jao, răng mgang kjăp êa ksĭ plao ksĭ lăn čar pô./.