Hlue si klei hâo hưn, hlăm wưng êgao, ƀuôn prŏng Hồ Chí Minh kƀĭn hlăm akŏ hâo hưn mtô mblang mơ̆ng Knăm bi hdơr “Klei tŭ dưi yan mnga thŭn 1975- ai ktang bi hgŭm djuê ana, klei čang hmăng êđăp ênang, êngiê djuê ana leh anăn klei mĭn hluh lir ala čar”.

Blŭ hrăm hlăm mmông mă bruă, Khua Anôk bruă hâo hưn mtô mblang gưl dlông Nguyễn Trọng Nghĩa mtă, lŏ dơ̆ng ksiêm dlăng tă hdră gĭt gai mơ̆ng Phŭn bruă kđi čar, Anôk dlăng bruă Đảng, Anôk bruă gĭt gai gưl dlông leh anăn klei ktrâo lač mơ̆ng Anôk bruă mtô mblang gưl dlông kơ klei hâo hưn knăm mơak prŏng leh anăn klei hƀuê ênuk yuôm bhăn mơ̆ng lăn čar hlăm 3 thŭn 2023 - 2025 rơ̆ng djŏ hdră kđi čar, klei mĭn. Ƀuôn prŏng Hồ Chí Minh brei bi leh Hdră bruă kluôm dŭm bruă bi hdơr hlăm mlan 8 anei.