VOV4.Êđê - Lŏ dơ̆ng klei kƀĭn tal 8 mơ̆ng dhar bruă gĭt gai bruă kƀĭn ala, hruê anei 16/2, dhar bruă gĭt gai bruă kƀĭn ala ksiêm dlăng hdră mkăp hdră mtrŭn mlih hdră ngă bruă mơ̆ng dhar bruă gĭt gai bruă kƀĭn ala. Hdră ngă bruă mơ̆ng dhar bruă gĭt gai bruă kƀĭn ala dưi ba mdah mơ̆ng thŭn 2015 bi êdah leh dŭm klei dôk kpăk, đa đa hdră bhiăn ka djŏ guôp hŏng boh sĭt. Bruă ba mdah hdră mtrŭn mlih hdră ngă bruă mơ̆ng dhar bruă gĭt gai bruă kƀĭn ala jing tur knơ̆ng hdră bhiăn yuôm bhăn čiăng kơ dhar bruă gĭt gai bruă kƀĭn ala ba mdah bruă kam, klei dưi djŏ hŏng hdră bhiăn, klei ngă bruă jing djŏ leh anăn mbruă hĭn. Mbĭt anăn, ngă jăk bruă đua klam jing anôk bruă thơ̆ng kơ bruă mơ̆ng bruă kƀĭn ala, đru mtrŭt mđĭ hlăm bruă mlih mrâo, mđĭ klei tŭ, boh tŭ klei ngă bruă mơ̆ng dhar bruă gĭt gai bruă kƀĭn ala leh anăn wăt kơ dŭm anôk bruă mơ̆ng bruă kƀĭn ala.

Y-Bel pô mblang