VOV4.Êđê- Aguah anei (30/6) ti Hà Nội, Phŭn bruă kđi čar mkŏ mjing klei bi kƀĭn ksiêm wĭt kluôm ala 10 thŭn bruă kdơ̆ng hŏng klei ƀơ̆ng ngăn, klei amâo mâo jăk wưng thŭn 2012 – 2022, ti gŭ klei kiă kriê mơ̆ng khua gĭt gai Đảng Nguyễn Phú Trọng. Klei bi kƀĭn kñăm ksiêm wĭt klei tŭ dưn leh mâo, ya mta klei adôk kƀah, klei ăăt êdu hlăm bruă kdơ̆ng hŏng klei ƀơ̆ng ngăn, klei amâo mâo djŏ hlăm 10 thŭn êgao, lehanăn êbeh 1 thŭn hlue ngă hdră mtrŭn klei bi kƀĭn prŏng Đảng 13, pŏk mdah dŭm mta phŭn, lehanăn mă klei hriăm, mâo bruă čuăn, hdră bi kdơ̆ng hŏng klei ƀơ̆ng ngăn hlăm wưng tinăp.

Bi klă klei thâo săng, lehanăn hdră êlan ngă bruă, bi mă bruă hŏng klei tŭ dưn jih jang hdră mtrŭn bruă čuăn mrâo mâo leh Êpul khua kiă kriê gưl dlông, Phŭn bruă kđi čar, êpul nga bruă kdơ̆ng hŏng klei ƀơ̆ng ngăn, boh nik jing bruă mkŏ mjing, lehanăn ngă bruă tui si Êpul kiă kriê gưl čar kơ bruă bi kdơ̆ng hŏng klei ƀơ̆ng ngăn, klei amâo mâo jăk./.

Pô mblang: Y-Khem Niê