Ksiêm wĭt 10 thŭn hlue ngă Hdră mtrŭn mrô 29 kơ klei mlih mrâo klă klơ̆ng, kluôm kơ bruă sang hră, mtô bi hriăm
Thứ sáu, 09:07, 15/12/2023
VOV Tây Nguyên
VOV Tây Nguyên
VOV4.Êđê - Aguah mbruê (14/12), Phŭn bruă sang hră mtô bi hriăm mkŏ mjing Klei bi kƀĭn ksiêm wĭt hlue ngă Hdră mtrŭn mrô 29 thŭn 2013 mơ̆ng Anôk dlăng bruă Đảng gưl 11 kơ klei “mlih mrâo klă klơ̆ng, kluôm kơ bruă sang hră mtô bi hriăm, ngă djŏ klei čiăng bi mrâo mrang hlăm boh klei bruă duh mkra tă hdră ala ƀuôn ngă phŭn leh anăn ñŭ kma lu ala čar.
Blŭ hrăm klah čŭn klei bi kƀĭn, Khua phŭn bruă sang hră mtô bi hriăm Nguyễn Kim Sơn lač, dŭm boh tŭ mâo leh 10 thŭn hlue ngă Hdră mtrŭn 29 brei ƀuh klei gĭr prŏng mơ̆ng dŭm Phŭn, dhar bruă gưl dlông leh anăn dŭm alŭ wăl. Klei bi kƀĭn ksiêm wĭt mkŏ mjing hlăm boh klei mâo lu boh phŭn ăt dôk pŏk ngă, lu boh phŭn ka bi leh.
Kyua anăn, Phŭn bruă sang hră mtô bi hriăm kčĕ hŏng Phŭn bruă kđi čar mtrŭn klei klah čŭn mơ̆ng Phŭn bruă kđi čar kơ bruă lŏ dơ̆ng hlue ngă Hdră mtrŭn 29 čiăng lŏ dơ̆ng mlih mrâo klă klơ̆ng, kluôm leh anăn mđĭ hnơ̆ng jăk bruă sang hră mtô bi hriăm ngă djŏ klei čiăng, bruă klam hlăm wưng mrâo mơ̆ng lăn čar./.
Viết bình luận