VOV4.Êđê - Hrue mbrue (4/3), ti ƀuôn prŏng Phú Quốc, čar Kiên Giang, Phŭn bruă hŏng tač êngao Việt Nam mkŏ mjing leh klei bi kƀĭn ksiêm wĭt 20 thŭn bruă mbha kdriêl pơ̆ng gơ̆ng knông lăn hlăm lăn hang plah wah Việt Nam – Campuchia, kñăm mă klei hriăm mơ̆ng dŭm bruă leh dưi ngă. Klei bi kƀĭn anei mâo Khua phŭn bruă hŏng tač êngao Bùi Thanh Sơn kiă kriê, bi ala kơ dŭm phŭn dhar bruă lehanăn phung khua kiă kriê 10 čar mâo knông lăn mbĭt lăn hang hŏng Campuchia nao kƀĭn.

K’iăng khua knŭk kna Phạm Bình Minh nao lehanăn gĭt gai klei bi kƀĭn, mtă kơ Phŭn bruă hŏng tač êngao, lehanăn dŭm phŭn dhar bruă, djăp alŭ wăl lŏ ngă jăk bruă kiă kriê knông lăn, gơ̆ng knông lăn djŏ hŏng klei leh kuôl kă, kñăm mđĭ hĭn bruă duh mkra ala ƀuôn, mđrĭng hŏng bruă răng mgang kjăp knông lăn plah wah dua ala čar hŏng klei êđăp ênang hơĭt kjăp./.

Y-Khem pô mblang