5 thŭn êgao, hdră anei dưi đĭ kyar jing hdră mâo knhuah lĭng kahan, hlăm kluôm mnuih ƀuôn sang. Gưl bruă đảng nah gŭ, khua gĭt gai dŭm gưl bruă ƀrư̆ hruê ƀrư̆ uêñ mĭn hĭn kơ bruă kriê dlăng, răng mgang klei suaih pral lĭng kahan leh anăn mnuih ƀuôn sang. Mâo lu thŭn hŏng anei, hnơ̆ng lĭng kahan suaih pral hlăm kluôm lĭng kahan mâo 98%.

Klei thâo ngă bruă leh anăn knuih hdĭp mơ̆ng phung knuă druh, phung mă bruă, lĭng kaha bruă mdrao mgŭn mâo klei mđĭ klă sĭt, djăp ênŭm hnơ̆ng čuăn mkŏ mjing lĭng kahan bruă mdrao mgŭn kơ êpul êya, thơ̆ng kơ klei mă bruă, kjăp hlăm klei mĭn, bi leh jăk bruă klam dưi jao. Êpul bruă lĭng kahahn mdrao mgŭn lŏ nao hgŭm tŭ dưn hlăm bruă răng mgang klei êđăp ênang mơ̆ng Êpul hgŭm lu ala čar. Mơ̆ng dŭm boh tŭ dưn dưi mâo, Đại tướng Phan Văn Giang, Khua phŭn bruă lĭng kahan mñă klă, hlăm wưng kơ anăp, dŭm anôk bruă lĭng kahan leh anăn bruă mdrao mgŭn lĭng kahan lŏ dơ̆ng mtrŭt mđĭ klei bi lông, bi ktưn, ksiêm duah dŭm boh klei mrâo  hŏng bruă mdrao mgŭn lĭng kahan hlăm wưng ară anei, mâo hdră êlan rơ̆ng kơ bruă mdrao mgŭn lĭng kahan hlăm djăp boh klei mâo.