Găn hlăm 5 blư̆ mkŏ mjing, mâo klei lar bra mơ̆ng klei bi lông ƀrư̆ hu hĭn kơ ênoh, lehanăn hnơ̆ng tŭ mơ̆ng klei bi lông mkă hŏng dŭm thŭn êlâo. klei bi lông tal sa mâo 8.129 klei čih ba bi lông,  truh thŭn anei đĭ leh truh 541.766 klei čih ba bi lông. Blŭ hrăm ti anôk bi kƀĭn, Nguyễn Xuân Thắng, Khua sang hră bruă kđi čar ala čar Hồ Chí Minh, jing khua kiă kriê klei bi lông kơ bruă hlak mblang klei răng mgang klei mĭn mơ̆ng Đảng mñă; Lăn čar hlăm sa ênuk mrâo, hŏng klei jing mrâo, hŏng ai tiê thâo khăp kơ lăn čar, êpa mhao kơ klei đĭ kyar, mâo klei thâo bi mguôp, ai tiê čŏng kpưn đĭ, pưng myưng kơ djuê ana mâo klei bluh đĭ kjăp ktang.

Čhuang hlăm ênuk mlih mrâo hŏng ai tiê mrâo, klei čih mkra hră mơar kơ klei bi kƀĭn prŏng Đảng 14 jao kơ sang hră ksiêm hriăm kơ bruă kđi čar ala čar Hồ Chí Minh kiă kriê, bi hgŭm hŏng Êpul kiă kriê mrô 35 mơ̆ng gưl dlông, êpul gưl čar kơ klei mlih mrâo hdră mkŏ mjing klei bi lông kơ bruă hlak mblang klei răng mgang klei mĭn mơ̆ng Đảng.