VOV4.Êđê - Ti Hà Nội, Anôk bruă răng mgang klei êđăp ênang, Anôk bruă mkŏ mjing Klei bi kƀĭn mjuăt ktang asei mlei Ngŏ Dhŭng Asi tal 31 (SEA Games 31) leh anăn Anôk bruă răng mgang klei êđăp ênang SEA Games 31 Phŭn bruă kahan ksiêm mkŏ mjing klei bi kƀĭn ksiêm wĭt kñăm lač kơ klei tŭ bruă rơ̆ng êđăp ênang kơ SEA Games 31. Phŭn bruă kahan ksiêm ngă leh lu hdră kčah kơ bruă rơ̆ng êđăp ênang klei bi kƀĭn; mkŏ mjing Anôk bruă răng mgang klei êđăp ênang SEA Games 31; pŏk ngă lu hdră msir, klei bi kƀĭn rơ̆ng êđăp ênang knăm mphŭn pŏk, mjưh ruê̆ leh anăn dŭm gưl bi lông čưng boh êkei mniê, mkŏ mjing ksiêm dlăng, ktuê dlăng bruă rơ̆ng êđăp ênang ti 6 anôk phŭn. Hlăm klei bi kƀĭn, K’iăng Khua phŭn bruă kahan ksiêm Lương Tam Quang mtă kơ dŭm phŭn, dhar bruă, alŭ wăl lŏ dơ̆ng mđing dlăng, nao ai, mjing klei găl, bi hgŭm tliêr kjăp hŏng Phŭn bruă kahan ksiêm hlăm bruă rơ̆ng êđăp ênang hlăm dŭm bruă kđi čar, dhar kreh yuôm bhăn mơ̆ng lăn čar, mđing mkŏ mjing êpul kahan ksiêm yang ƀuôn klă sĭt kpă ênuah, kjăp ktang, knhăk, mrâo mrang, thâo ngă bruă hlăm boh klei mrâo./.

H’ Zawut  pô mblang