VOV4.Êđê- "Mtă kơ dŭm anôk bruă djŏ tuôm brei mđĭ ktang bruă ksiêm dlăng bruă mnia blei mnơ̆ng dhơ̆ng pioh kơ hdră gang mkhư̆ klei ruă Covid-19 msĕ si êa drao mdrao, kit test, masin mkă hnơ̆ng oxy hlăm êrah….kñăm đru mjưh mdei klei mđĭ ênoh dŭm mta mnơ̆ng anei leh anăn răng mgang klei suaih pral mnuih ƀuôn sang, răng mgang klei dưi djŏ klă phung blei yua. Anei jing sa hlăm dŭm klei mtă mơ̆ng  Knơ̆ng bruă hdră bhiănmơ̆ng bruă kƀĭn ala hlăm Klei hưn mdah kơ dŭm bruă djŏ tuôm kơ hdră gang mkhư̆ klei ruă Covid-19 hlăm Knơ̆ng bruă hdră bhiăn mrâo êgao. Hlăm hruê kăm êgao, lu alŭ wăl mâo leh ênoh phung hđeh djŏ Covid-19 đĭ lu, boh nik leh hđeh lŏ nao hriăm ti sang hră.  Khădah, bruă ktrâo lač ksiêm mkă, bi ktlah hjăn ktuê dlăng klei suaih pral phung hđeh mâo klei ruă êlâo, hdră ngă sĭt mâo hđeh djŏ Covid-19 hlăm sang hră, wưng bi ktlah hjăn ti sang hŏng phung hđeh ară anei ka klă mngač.

Pô mblang: H’Zawut Ƀuôn Yă