Ti krĭng kwar Krah- Lăn Dap Kngư, dŭm hdră bruă pui kmlă prŏng dôk hlăm klei kƀah êa, mkhư̆ pŏk pui kmlă. Knơ̆ng bruă pui kmlă kwar Krah čih yap hnơ̆ng lu hĭn jing êbeh 3.500 MW hlăm hruê 21/4, đĭ 10,2% mkă hŏng wưng anei thŭn 2022. Đăo knăl hlăm dŭm hruê adiê mđiă hlơr anăp truh, hnơ̆ng yua lu hĭn lŏ dơ̆ng đĭ. Hlăk êjai anăn, hnơ̆ng pui kmlă mơ̆ng phŭn mkăp pui kmlă ti krĭng kwar Krah - Lăn Dap Kngư mâo hlăm brô 38%.

Tơdah boh klei adiê không mâo hlăm lu anôk snăn klei mkăp pui kmlă ƀrư̆ dleh dlan hĭn.  Knơ̆ng bruă pui kmlă kwar Krah mtă kơ dŭm Knơ̆ng bruă pui kmlă pral mkŏ mjing leh anăn pŏk ngă hdră msir rơ̆ng mkăp pui kmlă hlăm yan không; dăp mmông khăt pui kmlă bi djŏ guôp, mđĭ ba yua kdrăp mkra pui čiăng mkhư̆ jih hnơ̆ng bruă bi kpăk mkăp pui. Knơ̆ng bruă mtă kơ mnuih ƀuôn sang yua pui kmlă mkiêt mkriêm, boh nik hlăm dŭm mmông yua lu jing yang hruê leh anăn mmăt./.