Liên khương ară anei jing tač êdeh phiơr pioh yua phiơr knŏng hlăm ala čar, lehanăn yua kơ bruă lĭng kahan, lehanăn êdeh phiơr mơ̆ng ala tač êngao amâo mâo jêñ jêñ ôh. Tui si knơ̆ng bruă sang čư̆ êa čar Lâm Đồng, mơ̆ng akŏ thŭn truh kơ ară anei, tač êdeh phiơr Liên Khương pioh kơ 40 gưl phiơr hlăm ala čar nao lehanăn wĭt hlăm/hrue, hŏng ênoh mnuih đĭ kah knar jing 6.700 gưl čô mnuih.

Bi êlan phiơr hŏng ala tač êngao mơ̆ng thŭn 2017 mâo phiơr leh truh 1.723 gưl phiơr, mâo giăm 238.000 gưl čô tue mơ̆ng ala tač êngao truh. Siămdah, truh kơ ară anei tač êdeh phiơr Liên Khương ka mâo ôh êlan phiơr truh kơ Singapore, jing lăn čar mâo klei găl kơ klei duh mkra, kơ klei hiu čhưn ênguê. Kyuanăn, knơ̆ng bruă sang čư̆ êa čar  Lâm Đồng mâo leh klei akâo kơ knơ̆ng bruă êdeh phiơr Vietjet pŏk êlan phiơr anei mơ̆ng tač êdeh phiơr Liên Khương truh Sigapore.