VOV4.Êđê- Tlam 25/5, ti ƀuôn prŏng Đà Lạt, Êpul hgŭm mnuih mă bruă čar Lâm Đồng mkŏ mjing leh klei bi kƀĭn bi mni “Anôk bruă duh mkra kyua mnuih mă bruă” êdah kdlưn thŭn 2022. Ară anei, Lâm Đồng mâo 11.850 anôk bruă duh mkra, hŏng prăk mkra mjing, mnia blei mâo 141 êbâo êklai prăk. Kyuamđing mkra mlih anôk duh bi liê, mđing msir mgaih, ruh mgaih klei dleh dlan gun kpăk leh anăn pŏk ngă dŭm hdră êlan đru mđĭ kyar bruă duh mkra, anôk bruă duh mkra Lâm Đồng grăp knhuang mđĭ lar klei găl mdê hjăn, đru mguôp yuôm bhăn hlăm hdră bi mlih bruă duh mkra, mkra mđĭ klei hdĭp mda ala ƀuôn, mđĭ prăk hrui wĭt knŭk kna, mđĭ kyar bruă duh mkra- ala ƀuôn ti čar.

Hlăm klei bi kƀĭn 30 anôk bruă duh mkra mâo klei tŭ êdah êdi hlăm bruă mkra mjing mnia blei, kriê dlăng mnuih mă bruă leh anăn êpul êya dưi bi mni. Hlue si Êpul hgŭm mnuih mă bruă čar Lâm Đồng, bruă hmao bi mni dŭm anôk bruă anei srăng jing tur knơ̆ng čiăng mđĭ ai leh anăn lar bra êlam hĭn hdră “anôk bruă duh mkra kyua mnuih mă bruă” hlăm wưng kơ anăp./.

                                               Pô mblang: H’Zawut Ƀuôn Yă