Lâm Đồng drông gưl phiơr kpă tal êlâo mơ̆ng Seaul hriê ti Đà Lạt
Thứ sáu, 08:40, 22/12/2023
VOV TAYNGUYEN
VOV TAYNGUYEN
VOV4.Êđê- Čang rang aguah mbruê 21/12, gưl phiơr kpă mơ̆ng Seoul (Dhŭng Korea) hriê ti Đà Lạt (Lâm Đồng) trŭn leh ti tač êdeh phiơr Liên Khương hlăm brô 3 mmông aguah, mphŭn pŏk kơ êlan phiơr kpă mơ̆ng Seoul – Đà Lạt hŏng hnơ̆ng 7 gưl wĭt nao hlăm sa hruê kăm.
Êlan phiơr Seoul – Đà Lạt mâo knơ̆ng bruă êdeh phiơr Jeju Air mơ̆ng Dhŭng Korea ba yua. Leh gưl phiơr tal êlâo srăng rơ̆ng kơ hnơ̆ng 7 gưl phiơr wĭt nao hlăm sa hruê kăm. Anei jing êlan phiơr kpă tal 3 mơ̆ng Dhŭng Korea truh kơ Đà Lạt êdei kơ 2 êlan phiơr êlâo anăn jing Đà Lạt - Busan leh anăn Đà Lạt - Jeju.
Hluê si Nguyễn Ngọc Phúc, k’iăng khua bruă sang čư êa čar Lâm Đồng, mơ̆ng akŏ thŭn truh kơ ară anei, Đà Lạt – Lâm Đồng drông leh êbeh 363.000 gưl čô tuê mơ̆ng lăn čar tač êngao, hlăm anăn mâo 60% phung tuê mơ̆ng Dhŭng Korea. Bruă lŏ pŏk thiăm êlan phiơr kpă Đà Lạt – Seoul srăng đru mđĭ kyar bruă hiu čhưn ênguê leh anăn bruă duh mkra mơ̆ng 2 alŭ wăl.
Viết bình luận