Ară anei Đà Lạt mâo êbeh 2.900 ha sang ală kĭng ti 10 ƀuôn hgŭm hlăm ƀuôn prŏng, mâo êbeh 60% lăn pla djam, pla mnga mơ̆ng ƀuôn prŏng. Ti anăp boh sĭt anei, čar Lâm Đồng mâo leh hdră mbĕ đuê̆ jih jang sang alŭ kĭng bruă lŏ hma kbiă mơ̆ng ƀuôn prŏng Đà Lạt. Hlăm anăn, mta kñăm truh ti thŭn 2025 bi hrŏ 20% ênhă leh anăn truh ti thŭn 2030 amâo lŏ mâo sang ală kĭng ti ƀuôn prŏng Đà Lạt. Čiăng ngă bruă anei čiăng mâo ênoh prăk brei čan mnga hdjul hŏng ênoh truh 4.820 êklai prăk mbĕ đuê̆, đru mkŏ wĭt ana pla mjing hlăm sang ală kĭng pla kơ tač sang.

Kyuanăn, knơ̆ng bruă lŏ hma leh anăn mđĭ kyar krĭng ƀuôn sang hưn mdah hŏng čar Lâm Đồng čiăng mñă kơ knơ̆ng prăk knŭk kna Việt Nam anôk bruă ti Lâm Đồng ksiêm dlăng, dưn yua hdră brei čan mnga hdjul mtrŭt mđĭ bruă lŏ hma dưn yua kdrăp mrâo mrang, boh lŏ hma doh kñăm tă hdră dŭm knơ̆ng prăk mkŏ mjing klei găl brei čan, rơ̆ng hluê ngă hdră mbĕ đuê̆ sang ală kĭng mơ̆ng ƀuôn prŏng Đà Lạt.