VOV4.Êđê-  Aguah mbrue (12/8), ti să Phú Hội, kdriêk Đức Trọng, čar Lâm Đồng, Êpul kiă kriê bruă bi kdơ̆ng hŏng phung ngă soh, klei soh jhat hlăm yang ƀuôn, lehanăn mkŏ mjing klei jih jang phung ƀuôn sang đru bi răng mgang klei êđăp ênang, čar Lâm Đồng mkŏ mjing leh knăm anei kơ thŭn 2022. Lê Tiến Châu, K’iăng khua bruă mặt trận čar kwar gưl dlông Việt Nam nao mbĭt.

Să Phú Hội, kdriêk Đức Trọng mâo giăm 5 êbâo 400 gŏ êsei. Hlăm dŭm thŭn êgao, Phú Hội amâo mâo mdei mkŏ mjing lehanăn lŏ bi kjăp jih jang bruă kơ klei răng mgang ti dŭm boh ƀuôn, mơ̆ng anăn đru hrăm mbĭt răng mgang klei êđăp ênang, čiăng dưi mâo alŭ wăl hdĭp êđăp ênang.

Nao ti anôk pŏk klei bi kƀĭn anei, Lê Tiến Châu čih pioh lehanăn bi mni kơ dŭm boh tŭ dưn să Phú Hội mâo leh hlăm bruă jih jang phung ƀuôn sang đru bi răng mgang klei êđăp ênang, lehanăn lŏ mtă kơ alŭ wăl lŏ dơ̆ng bi mlih hdră êlan mă bruă mâo nanao klei mĭn mrâo, jih ai tiê mkŏ mjing bruă hrăm mbĭt bi đru hlăm klei răng mgang kjăp klei êđăp ênang./.

         Pô mblang: Y-Khem Niê