Leh giăm 2 hruê kăm trŭm kơ bruă ksiêm dlăng, ƀuah mkra klei ngă soh hlăm êlan klông ti êlan dơ̆ng mrô 20, Kahan ksiêm čar Lâm Đồng ƀuah mkra leh êbeh 1.500 klei ngă soh, hlăm ăñ mâo dŭm pluh čô mgăt êdeh yua matŭi. Mơ̆ng leh knăm trŭn kơ bruă hruê 15/11, truh kơ ară anei, kahan ksiêm êlan kông čar Lâm Đồng bi mguôp hŏng dŭm anôk bruă mkŏ mjing klei ksiêm dlăng giăm 40.000 gưl êdeh êdâo hlăm êlan klông, hlăm anăn mâo giăm 11.000 êdeh mdiăng mnơ̆ng, 5.600 boh êdeh mdiăng tuê leh anăn giăm 14.000 êdeh ôtô…

Hluê anăn, hmao ƀuh leh anăn ngă hră mơar ƀuah mkra klei ngă soh êbeh 1.500 čô, hlăm anăn mâo lu klei ngă soh mâo hnơ̆ng čôl, đĭ hmar êngao hnơ̆ng, hmao ƀuh giăm 50 čô mgăt êdeh yua matŭi. Hluê si thượng tá Cù Tuấn Nghĩa, k’iăng khua adŭ bruă kahan ksiêm êlan klông čar Lâm Đồng, mbĭt hŏng bruă mđĭ hĭn klei ksiêm dlăng leh anăn ƀuah mkra ktang phĭt phung ngă soh, bruă hâo hưn, mtrŭt mjhar, mtô kơ phung găn hlăm êlan klông ngă jăk klei bhiăn hlăm êlan kông ăt dưl hluê ngă hur har.