Hluê hdră mtrŭn dưi bi mklă, anôk bruă ngă hră mơar mơ̆ng 3 kdriêk Dă Huai, Dă Teh, Cát Tiên mơ̆ng čar Lâm Đồng dưi bi mguôp mbĭt jing kdriêk Dă Huai. Êlâo anăn, čar Lâm Đồng mă leh klei blŭ mơ̆ng mnuih ƀuôn sang, êbeh 96% mnuih ƀuôn sang mơ̆ng 3 kdriêk anei sa ai hŏng hdră bi mŭt mbĭt anei.

Leh bi mguôp mbĭt, kdriêk mrâo Dă Huai mâo boh prŏng êbeh1.448km², hŏng êbeh 146.000 čô mnuih, hlăm anăn mnuih djuê ƀiă êbeh 22%. Kdriêk Dă Huai mâo anôk ngă bruă mrâo ti wăl krah Dă Teh, kdriêk Dă Teh hđăp. Ƀri gưl anei, Êpul gơ̆ng bruă ƀuôn sang čar Lâm Đồng ăt bi mklă bruă mkŏ mjing 5 să mrâo hluê hdră bi mguôp 2 să jing să./.