Truh ară anei hdră bruă mkra mđĭ êlan dơ̆ng ala čar 28B rŭ mdơ̆ng kra mđĭ tuh leh boh tâo mâo 44/62 km, anôk tuh bê tông mâo hlăm brô 37/62 km.  Bruă ruh mgaih anôk ala bi leh 95%. Hnơ̆ng rŭ mdơ̆ng anei êmưt mkă hŏng hnơ̆ng kčah. Mta phŭn jing kyua phung rŭ mdơ̆ng ka djăp kdrăp mnơ̆ng, mnuih mă bruă, hlăk êjai pô bi liê kƀah klei gĭr gai.

Ksiêm dlăng boh sĭt, Khua Knơ̆ng bruă sang čư̆ êa čar Hồ Văn Mười mñă klă, êlan dơ̆ng ala čar 28B jing ktuê êlan phŭn, “Bi mklă klei tŭ jing mơ̆ng Lâm Đồng hlăm thŭn 2026”, kyua anăn amâo dưi  ôh kyua lač êmưt jao anôk ala čiăng lač kơ hnơ̆ng êmưt. Ñu bi mklă : “Tơdah phung rŭ mdơ̆ng kƀah, amâo ngă djŏ klei čiăng, ƀlei hrô mtam; tơdah pô bi liê amâo djăp klei dưi gĭt gai, ăt srăng brei hrô”. Hồ Văn Mười mtă kơ dŭm anôk bruă djŏ tuôm bi leh hră mơar, bi mklă hdră msir tla hnô adôk êlâo kơ hruê 30/10/2025. Mbĭt anăn, hlăm hruê kăm anei brei mkŏ mjing hdră rŭ mdơ̆ng mâo hnơ̆ng klă klơ̆ng, rơ̆ng bi leh êlâo kơ 31/12/2025 hlue si hdră.