Ară anei čar Lâm Đồng mâo êbeh 33 êbâo anôk bruă duh mkra hŏng ênoh čih anăn êbeh 350 êbâo êklai prăk. Dŭm anôk bruă duh mkra, phung mnia blei ngă leh, leh anăn dôk mâo klei đru mguôp jăk, prŏng prĭn kơ klei mđĭ kyar bruă duh mkra - ala ƀuôn ti čar. Hlăm klei bi kƀĭn mtrŭt mjhar bi liê mrâo êgao, Knơ̆ng bruă sang čư̆ êa čar Lâm Đồng mđup brei leh hdră mtrŭn duh bi liê, hră mơar bi mklă čih anăn bi liê kơ dŭm anôk bruă duh mkra hŏng ênoh čih anăn 9 hdră bruă jing êbeh 35 êbâo êklai prăk.

Čar ăt siñê klei kuôl kă bi hdơr hŏng 12 pô bi liê sa anôk hlăm dŭm bruă mâo klei găl. Bruă iêô jak thiăm phung duh bi liê jing klei mphŭn kčưm yuôm bhăn, đru kơ Lâm Đồng mâo klei kñăm truh thŭn 2030 jing čar đĭ kyar man dưn msĕ si klei kñăm Klei bi kƀĭn bruă Đảng čar kčah leh.