VOV4.Êđê- Kyua klei ngă hră mơar knŭk kna dôk dleh dlan, phung knuă druh ba anăp nĕ đuê̆, mplĕ kơ pô anei, pô dih ngă kơ bruă iêo mthưr duh bi liê ti čar Lâm Đồng mâo klei kpăk, mơ̆ng akŏ thŭn truh kơ ară anei, čar Lâm Đồng knŏng dưi iêo mthưr mă 9 hdră duh bi liê, hŏng ênhă bi klă êbeh 77ha leh anăn ênoh prăk bi klă êbeh 700 êklai prăk.

Mbĭt hŏng anăn, mâo 24 hdră mkăp akâo mkra mlih mta phŭn duh bi liê, 3 hdră mkăp mkăn hrui wĭt, mdei klei ngă bruă. Kluôm ênoh hdră mă bruă dôk hluê ngă hlăm alŭ wăl čar ară anei jing 969 hdră, hlăm anăn knŏng mâo êbeh 600 hdră mkăp dưi bi leh leh anăn ngă bruă. Bruă sang čư êa čar Lâm Đồng bi klă, klei iêo mthưr duh bi liê hlăm čar mâo klei dleh kpăk kyua hdră kiă kriê, ka mâo lu hdră êlan, pô ba anăp dŭm anôk bruă, dhar bruă, alŭ wăl amâo mâo bruă đua klam, ñĕ đuê̆ leh anăn mplĕ kơ pô anei, pô dih ngă hmăi amâo mâo jăk kơ wăl duh bi liê.

Pô mblang: Y-Ƀel Êban