VOV4.Êđê- Hruê 10/2, kahan ksiêm čar Lâm Đồng brei thâo dôk bi hgŭm hŏng dŭm anôk bruă djŏ tuôm ksiêm dlăng bruă blei kdrăp mdrao mgŭn mơ̆ng 2 anôk bruă hlăm čar mơ̆ng Knơ̆ng bruă Việt Á. Êlâo anăn, čar Lâm Đồng bi mklă mâo 2 anôk bruă blei ksrăp ksiêm mkă Covid-19 mơ̆ng Knơ̆ng bryă Việt Á jing Sang êa drao prŏng mrô II Lâm Đồng (ti ƀuôn prŏng Bảo Lộc)  leh anăn Anôk bruă ksiêm dlăng klei ruă tưp čar Lâm Đồng. Bruă blei kit ksiêm mkă anei dưi ngă hlăm 3 gưl, wưng mơ̆ng mlan 2 truh mlan 8/2021, hŏng ênoh mâo 47 êbâo kdrăp, ênoh prăk truh êbeh 18 êklai prăk. Čiăng ksiêm dlăng bruă blei kdrăp mnơ̆ng, kdrăp mdrao mgŭn, kdrăp ksiêm mkă Covid-19 mơ̆ng dŭm anôk bruă dưi hluê ngă kjăp hluê si hdră kčah, kahan ksiêm čar Lâm Đồng mâo leh hră mơar mtă kơ dŭm anôk bruă djŏ tuôm tiŏ nao phung nao hgŭm, mbĭt anăn mâo hdră ksiêm dlăng hluê si klei anôk bruă ksiêm dlăng knŭk kna gĭt gai.

Pô mblang: H’Zawut Ƀuôn Yă