Lâm Đồng ksiêm dlăng klei bi mkăm êa săng êa pui
Thứ năm, 13:34, 02/04/2026
H’Zawut Ƀuôn Yă/VOV Tây Nguyên
H’Zawut Ƀuôn Yă/VOV Tây Nguyên
VOV.Êđê- Ti anăp klei mnuih ƀuôn snag lač kơ dŭm sang čhĭ êa săng êa pui ti să Tà Hine mâo klei bi knăl mkăm mnơ̆ng dhơ̆ng, mkhư̆ klei čhĭ ngă luč liê lu, Knơ̆ng bruă sang čư̆ êa čar Lâm Đồng gĭt gai bruă djŏ tuôm mjêč ksiêm dlăng bruă mnia blei êa săng êa pui ti să anei.
Knơ̆ng bruă sang čư̆ êa čar Lâm Đồng jao kơ Knơ̆ng bruă tuh tia mblei gĭt gai, bi hgŭm hŏng kahan ksiêm čar, Knơ̆ng bruă sang čư̆ êa să leh anăn dŭm anôk bruă djŏ tuôm mjêč mkŏ mjing ksiêm dlăng hŏng dŭm anôk čhĭ hliê êa săng êa pui ti să Tà Hine; hmao msir mgaih kjăp klei ngă soh (tơdah mâo) hlue si klei dưi leh anăn klei hưn mdah Knơ̆ng bruă sang čư̆ êa čar êlâo kơ hruê 8/4/2026.
Nguyễn Văn Khánh, K’iăng Khua Knơ̆ng bruă tuh tia mnia blei čar Lâm Đồng, brei thâo, hlue ngă klei gĭt gai mơ̆ng Knơ̆ng bruă sang čư̆ êa čar, hlăm hruê 1/4 anôk bruă pŏk ngă dŭm hdră msir čiăng êdi mđĭ ktang bruă kriê dlăng anôk čhĭ êa săng êa pui ti să Tà Hine leh anăn dŭm alŭ wăl mâo klei bi knăm mkăp pioh mnơ̆ng dhơ̆ng.
Viết bình luận