Bruă sang čư̆ êa alŭ wăl ngă leh lu hdră mdrơ̆ng hŏng klei kluh hroh lăn, kñăm bi hrŏ klei luič liê, anăp srăng mgô mnuih ƀuôn sang đuĕ mơ̆ng dŭm anôk jing huĭ hyưt. Hlăm dŭm hrue êgao, mnuih ƀuôn sang ti să Dă K’Nàng, kdriêk Đam Rông (čar Lâm Đồng) hdĭp hlăm klei amâo mâo hơĭt ôh dôk huĭ kơ klei lăn kluh.

Mâo leh dua anôk lăn kluh ngă djiê 3 čô mnuih hlăm dŭm hrue 15/7 lehanăn 20/7, khădah mâo leh bruă sang čư̆ êa mghaih msir, pơ̆ng mdha brei răng mơ̆ng anôk huĭ hyưt anăp mâo klei truh jhat. Mbĭt hŏng kdriêk Dam Rông, lehanăn lu krĭng hlăm čar Lâm Đồng mâo leh lu anôk anăp kluh lăn hlăm yan hjan anei. Hlăm anăn, ƀuôn prŏng Đà Lạt mâo 61 anôk lehanăn ƀuôn prŏng Bảo Lộc mâo 55 anôk jing anăp lĕ hlăm klei kluh lăn. Hŏng yan adiê anăp nao hlăm klei hlĭm hjan prŏng, knơ̆ng bruă sang čư̆ êa čar Lâm Đồng lŏ dơ̆ng mâo leh hră mtrŭn truh hŏng dŭm anôk bruă, êpul êya lehanăn knơ̆ng bruă sang čư̆ êaq dŭm kdriêk, ƀuôn prŏng lŏ dơ̆ng ngă lu bruă mghaih msirr, mdrơ̆ng hŏng klei lăn kluh jhat./.