VOV4.Êđê- Aguah mbrue (29/8), ti ƀuôn prŏng Đà Lạt, Êpul hgŭm mtrŭt mjhar klei hriăm hră mơar čar Lâm Đồng, lehanăn Êpul kiă kriê klei đăo yơng Việt Nam mkŏ mjing leh klei mđup brei prăk đru hriăm hră mơar, lehanăn mnơ̆ng kơ hđeh hriăm hră ƀun, hriăm thâo, ƀri thŭn hriăm mrâo 2022 – 2023. Êngao kơ 50 hnư đru prăk hriăm hră mơar, hŏng grăp hnư jing 1 êklăk prăk mâo jao leh kơ phung hđeh hriăm hră ƀun hriăm thâo ti ƀuôn prŏng Đà Lạt, lehanăn kdriêk Lạc Dương, Êpul hgŭm mtrŭt mjhar klei hriămhră mơar Lâm Đồng, lehanăn Êpul khua kiă kriê klei đăo yơng Việt Nam lŏ jao truh 200 hnư mnơ̆ng mâo prăk, lehanăn mnơ̆ng yua kơ hđeh amâo mâo jăk asei mlei, phung bum ală, gŏ sang hdĭp hlăm klei dleh dlan.

Hlăm anăn, mâo 50 hnư̆ mnơ̆ng jing kơ mnuih djuê ƀiă ti să Phi Liêng, kdriêk Dam Rông, čar Lâm Đồng.Anei jing ênoh prăk mơ̆ng phung thâo bi đru dôk hlăm alŭ wăl mđup brei./.

Pô mblang: Y-Khem Niê