Mơ̆ng akŏ thŭn truh kơ ară anei, kahan ksiêm čar Lâm Đồng mđing hlăm bruă ksiêm dlăng djăp êlan klông, hmao ƀuh lehanăn mghaih msir truh êbeh 2.700 čô phung ngă soh mnăm kpiê êsei lŏ mgăt êdeh. Tui si đại tá Lê Văn Xuyên, Khua anôk bruă kđi čar kahan ksiêm čar Lâm Đồng, amâo mâo klei kăm ghă amâodah phưi tha ôh hlei pô ngă soh. Bruă Đảng čar, knơ̆ng bruă sang čư̆ êa čar mâo lu hră mơar gĭt gai, brei mghaih msir, đŭ bi kmhal wăt pô anăn jing knuă druh, đảng viên, mnuih ngă bruă knŭk kna mơ̆ng dŭm anôk bruă êpul êya alŭ wăl lehanăn čar.

Bruă mghaih msir phung ngă soh mnăm kpiê mgăt êdeh đru bi hrŏ 15% ênoh bi drăm hlăm êlan klông kbiă hriê mơ̆ng klei mnăm kpiê ti čar Lâm Đồng.