VOV4.Êđê - Aguah mbrue (8/4) ti ƀuôn prŏng Đà Lạt, knơ̆ng bruă sang čư̆ êa čar Lâm Đồng mkŏ mjing leh klei bi kƀĭn ksiêm wĭt bruă bi ktưn khăp kơ lăn čar thŭn 2021, mtrt mjhar lehanăn ngă klei kuôl kă bi ktưn thŭn 2022. Klei bi kƀĭn mâo k’iăng khua lăn čar Võ Thị Ánh Xuân, k’iăng khua tal sa Êpul Gơ̆ng bruă bi ktưn pah mni gưl dlông nao kƀĭn. Blŭ hram ti anôk bi kƀĭn Trần Đức Quận, Khua bruă Đảng čar Lâm Đồng lač, khădah mâo leh lu boh tŭ dưn, ƀiădah bruă bi ktưn khăp čiăng kơ lăn čar mơ̆ng čar ăt adôk lu klei awăt êdu.

Čiăng mghaih msir klei anăn, snăn dŭm gưl bruă Đảng, bruă sang čư̆ êa lŏ mâo dŭm hdră êlan klă mngač. Wưng anei, bi ala kơ Êpul Gơ̆ng bruă bi ktưn khăp čiăng kơ ala čar, k’iăng khua lăn čar Võ Thị Ánh Xuân mđup brei leh mêđai hnŭk êngiê mrô 2, Mêđai răng mgang ala čar mrô 2, lehanăn dŭm mta mêđai ngă bruă mrô sa, mrô 2, mrô 3 kơ 24 čô, lehanăn 8 êpul mâo leh klei tŭ jing prŏng hlăm bruă bi ktưn ti alŭ wăl./.

Y-Khem pô mblang