VOV4.Êđê - Hrue mbrue (26/7), Êpul ksiêm dlăng mơ̆ng Bruă kƀĭn ala mâo Thượng tướng Trần Quang Phương, K'iăng khua bruă kƀĭn ala djă akŏ mâo leh mmông ngă bruă hŏng knơ̆ng bruă sang čư̆ êa čar Lâm Đồng ngă leh klei mkiêt mkriêm, bi kdơ̆ng hŏng klei bi liê plă plia wưng thŭn 2016 –2021. Wưng leh êgao, Lâm Đồng kiă kriê kjăp bruă hrui ngăn prăk kơ knŭk kna, rơ̆ng bi mâo hdră êlan hrui djŏ, hrui ênŭm, amâo mâo klei luič liê, bi hrŏ klei đuôm nư. lehanăn kiă kriê kjăp klei amâo mâo bi liê êgao hnơ̆ng kčah hlăm thŭn. Hlăm anăn, mâo mkiêt mkriêm truh 326 êklai prăk, hlăm anăn êbeh 23 êklai 800 êklăk prăk mơ̆ng bruă sang hră mơar, êbeh 23 êklai 500 êklăk prăk mơ̆ng bruă mdrao mgŭn...

Blŭ hrăm ti anôk mă bruă, bi ala kơ êpul ksiêm dlăng, Thượng tướng Trần Quang Phương, bi mni klei gĭr mơ̆ng Lâm Đồng, mâo ngă leh jăk klei thâo mkiêt mkriêm, wưng thŭn 2016 –2021. lehanăn mtă kơ čar lŏ mđing hĭn kơ bruă ngăn prăk, hdră mă bruă sa ƀăng bhă, lŏ mghaih msir djăp mta bruă dleh ktrŏ djŏ tuôm hŏng lăn ala. pai mă jih jang klei găl ti Đà Lạt, mkra mđĭ êlan klông jăk hĭn./.

Y-Khem pô mblang