Mbĭt hŏng dŭm boh tŭ dưi mâo, klei bi kƀĭn tĭng dlăng hlăm hdră pŏk ngă hdră mtrŭn, alŭ wăl ăt dôk êdu kƀah. Boh nik jing hdră kiă kriê mơ̆ng dŭm gưl bruă Đảng, bruă sang cư̆ êa, hdră kčah pŏk ngă ti dŭm anôk bruă, êpul êya dôk êmưt, ka djŏ hŏng klei găl mâo, klei thâo săng mơ̆ng phung knuă druh, đảng viên, mnuih ƀuôn sang ka kjăp, ka kluôm ênŭm.

Čiăng msir mghaih klei anei, klei bi kƀĭn tă 10 bruă klam lehanăn hdră msir brei pŏk ngă hlăm wưng ti anăp. Hlăm anăn, mđing kơ bruă mđĭ lar boh tŭ yuôm, bruă klam mơ̆ng dhar kreh, ai tiê duh myơr mơ̆ng phung knuă druh, đảng viên lehanăn mnuih ƀuôn sang, mjuăt bi hriăm anak mnuih mâo knhuah hdĭp, knhuah mă bruă jăk, jiă kma ai tiê djuê ana, ngă phŭn mil pô lehanăn kreh knhâo./.