Leh 3 mlan ba nao êpul knuă druh kơ gưl să, boh tŭ dưn mơ̆ng bruă 730 čô knuă druh, mnuih mă bruă nao kơ nah gŭ, êbeh 98% bi leh jăk bruă klam, hlăm anăn êbeh 25% bi leh tŭ kdlưn bruă klam. Gưl ba nao knuă druh truh kơ gưl nah gŭ mơ̆ng čar Lâm Đồng ăt mjing boh tŭ dưn mdua, đru bi hrŏ klei kpĭ hlăm bruă kơ gưl nah gŭ, đru kơ êpul knuă druh gưl čar gĭr mjuăt bi hriăm, đĭ hriê kơ prŏng mơ̆ng klei mâo sĭt, đru mguôp mkŏ mjing êpul knuă druh thâo kluôm dhuôm, jĕ giăm hŏng mnuih ƀuôn sang.

Blŭ hrăm ti anôk bi kƀĭn, Hồ Văn Mười, khua knơ̆ng bruă sang čư̆ êa čar Lâm Đồng, mñă: 730 čô knuă druh, mnuih mă bruă nao kơ nah gŭ đru bi hơĭt lehanăn mđĭ boh tŭ dưn mơ̆ng bruă knŭk kna alŭ wăl hlăm wưng bi mlih hluê ngă gru hmô bruă knŭk kna alŭ wăl 2 gưl./.