Leh bi mŭt mbĭt Lâm Đồng, Bình Thuận lehanăn Dak Nông, čar Lâm Đồng mâo leh ênhă êbeh 24.000km² - prŏng hĭn kơ kluôm ala, mâo giăm 4 êklăk čô mnuih. Kluôm čar mâo êbeh 2,7 êklăk čô mnuih nao mplĕ hră. Čar   Lâm Đồng mâo 6 êpul êya bruă ruah khua phung bi ala bruă kƀĭn ala (ruah mă 17 čô phung bi ala) lehanăn 38 êpul êya klei ruah khua Êpul gơ̆ng bruă ƀuôn sang čar (pioh ruah 85 čô pô bi ala).

Ti gưl ƀuôn hgŭm mâo 1.004 êpul êya klei ruah khua, hŏng 2.301 alŭ wăl anôk mplĕ hră, pioh ruah 2.949 čô pô bi ala. Truh ară anei čar mâo bi leh bruă mƀlir anăn mnuih nao ruah khua, anăn phung mgơ̆ng ruah, lehanăn mprăp djăp ênŭm kơ jih jang bruă ruah khua. Êpul gơ̆ng bruă ruah khua ala čar ăt bi tŭ ư leh brei čar Lâm Đồng mkŏ mjing klei mplĕ hră hnưm ti 5 alŭ wăl hlăm hrue 14/3, dôk hlăm êpul kahan răng mgang knông lăn ti dŭm boh ƀuôn hgŭm Hàm Tân, Thuận Hạnh, Thuận An (2 alŭ wăl) lehanăn ƀuôn hgŭm Dak Wil.