VOV4.Êđê -  Djŏ tuôm hŏng klei bi rai kmrơ̆ng lačdah pioh mkra êlan dơ̆ng prŏng Ngŏ Duôr čư̆ prŏng, hrue mbrue (14/2) knơ̆ng bruă lŏ hma čar Lâm Đồng mâo leh hră hâo mdah truh kơ knơ̆ng bruă sang čư̆ êa čar akâo kơ Knơ̆ng khua kčĕ bruă lĭng kahan hlăm phŭn bruă lĭng kahan gĭt gai mdei jih bruă dôk ngă.

Tui si klei hâo mdah mơ̆ng knơ̆ng bruă lŏ hma čar Lâm Đồng dôk hlăm kdriêk Lạc Dương, đang kmrơ̆ng knŭk kna mkuôm Bidoup Čư̆ Hmŭ ngă klei ksiêm dlăng ngă bruă ksiêm dlăng dŭm kdrêč dôk mkra êlan djŏ hlăm alŭ wăl kdriêk Lạc Dương, čar Lâm Đồng mâo Êpul kiă kriê bruă knuă mrô 46 –Mơ̆ng knơ̆ng kčĕ bruă hlăm phŭn bruă lĭng kahan jing pô duh bi liê. msĕ si, hŏng boh taih êlan mâo pŏk jing êbeh 3km3, boh prŏng êlan kah knar 4m. Hlăm anăn, dŭm anôk leh bi mlih klei dưi ba yua lăn kmrơ̆ng pioh mkra êlan jing hlăm brô 2,3km. Mâo êbeh 1km êlan êpul ngă bruă ksĭng hlăm lăn kmrơ̆ng ka mâo klei dưi bi mlih yua ôh./.

Y-Khem pô mblang