Knăm mtrŭt mjhar dŭm mkŏ mjing êlan online mkŏ hĭn dŭm anôk bi kƀĭn hlăm čar. Mphŭn pŏk knăm mtrŭt mjhar, khua gĭt gai dhar bruă mặt trận čar Lâm Đồng dlăng klei iêo mthưr dŭm anôk bruă, êpul êya bruă kđi čar yang ƀuôn, êpul bruă klei đăo, dŭm knơ̆ng bruă leh anăn phung knuă druh, phung mă bruă, lĭng kahan, phung êdam êra leh anăn dŭm gưl mnuih ƀuôn sang hlăm čar bi lar ai tiê bi mguôp, thâo khăp, thâo pap, hrăm mbĭt đru kơ mnuih ƀuôn sang dŭm čar, ƀuôn prŏng kwar Dưr hmăi mơ̆ng angĭn êbŭ mrô 3.

Hlăm knăm mtrŭt mjhar, čar Lâm Đồng dưi mâo mă êbeh 20 êklai prăk đru mguôp. Jih jang ênoh prăk anei srăng mơĭt kơ Dhar bruă gưl dlông mặt trận čar kwar Việt Nam čiăng đru kơ mnuih ƀuôn sang dŭm čar, ƀuôn prŏng kwar Dưr hmăi mơ̆ng angĭn êbŭ.