Bruă ba yua kdrăp anei tŭ dưn hluê si klei gĭt gai mơ̆ng Khua Knŭk kna, khua Bruă sang čư̆ êa čar Lâm Đồng Hồ Văn Mười jao kơ knơ̆ng bruă lŏ hma leh anăn wăl hdĭp mda gĭt gai, bi mguôp hŏng dŭm knơ̆ng, dhar bruă leh anăn alŭ wăl djŏ tuôm ngă hră mbĭt lu mta phŭn.

Khua Bruă sang čư̆ êa čar Lâm Đồng ăt jao kơ knơ̆ng bruă lŏ hma leh anăn wăl hdĭp mda đru kcĕ ba mdah Hdră bhiăn kiă kriê, bi êran leh anăn yua phần mềm kdrăp čih pioh klei trah mă kan hdang leh anăn klei čih pioh hrui blei, dŭ mdiăng kan hdang hŏng điện tử ti alŭ wăl čar, bi leh êlâo kơ hruê 31/3/2026. Ăt mbĭt hŏng bruă hluê ngă klei čih pioh trah mă kan hdang, čar Lâm Đồng dôk hluê ngă ktang phĭt, hrăm mbĭt lu hdră êlan čiăng mbĭt hŏng dŭm čar, ƀuôn prŏng mâo êa ksĭ hlăm kluôm ala ruh hră kñĭ IUU, mđing truh mđĭ kyar bruă kan hdang hơĭt kjăp, mâo bruă klam leh anăn djŏ guôp hŏng hdră bhiăn tar rŏng lăn.