Tui si êpul mkŏ mjing, Anôk bruă klei mrâo srăng jing kdrông bi lar rup mơ̆ng sa Lâm Đồng mlih mrâo, mbruă, hŏng klei knhêč ñu kma lehanăn đĭ kyar, đru bi kjăp klei đăo knang mơ̆ng mnuih ƀuôn sang, mjing ai êwa bi ktưn prŏng čiăng kơ klei bi kƀĭn prŏng mâo klei tŭ jing. Ară anei mâo leh 79 anôk bruă klei mrâo hlăm čar, lehanăn êngao čar ngă hră mơar hâo hưn kơ klei bi kƀĭn prŏng.

Čiăng mjing klei găl hlăm klei mă bruă, anôk bruă klei mrâo dưi dăp ti sang bi kƀĭn Sang hră ksiêm hriăm kơ bruă lĭng kahan, hlăm ƀuôn hgŭm  Lâm Viên - Đà Lạt, hŏng djăp ênŭm kdrăp mă bruă, mkŏ internet, hră mơar lehanăn rup kơ klei bi kƀĭn prŏng. Mơ̆ng anăn jih jang klei hâo hưn srăng dưi bi lar hĭn truh hŏng mnuih ƀuôn sang./.