VOV4.Êđê - Aguah mbruê, čar Lâm Đồng mtrŭn asăp truh kơ khua anôk bruă sang čư̆ êa čar kơ bruă mprăp hdră mdrơ̆ng hŏng klei êa kluh, êngăp êa lehanăn klưh lăn ti alŭ wăl. Ti anăp klei mâo dleh dưi ksiêm dlăng mơ̆ng yan adiê, đăo knăl dŭm hruê ti anăp, hlăm alŭ wăl čar Lâm Đồng mâo hjan prŏng, angĭn ktang, huĭ srăng mâo klei êa kluh, êngăp êa lehanăn klưh lăn ti lu anôk.

Kñăm bi hrŏ tuič hnơ̆ng klei luič liê lehanăn rơ̆ng klei êđăp ênang kơ mnuih ƀuôn sang, Khua anôk bruă sang čư̆ êa čar mtă kơ Anôk gĭt gai hdră mdrơ̆ng hŏng klei yan adiê ngă lehanăn tui duah mnuih mâo klei truh, dŭm dhar bruă, êpul êya lehanăn Anôk bruă Sang čư̆ êa dŭm kdriêk, ƀuôn prŏng hlăm čar mjêč pŏk dŭm hdră mdrơ̆ng hŏng klei yan adiê ngă. Boh nik, mđing mkŏ mjing êpul dôk gak răng jih hruê mlam, pral gĭt gai, pŏk hdră mdrơ̆ng hŏng hdră êlan “4 tinăn mtam” “3 mprăp”, pral mbĕ mnuih ƀuôn sang ti dŭm krĭng huĭ hyưt nao dôk kơ anôk êđăp ênang./.

VOV TâyNguyên/Pô mblang: H’Nêč Êñuôl