Hlăm klei bi kƀĭn, hŏng 100% ênoh hră mplĕ tŭ ư (85/85), Lưu Văn Trung,  K’iăng Khua bruă Đảng čar, Khua Êpul gơ̆ng bruă ƀuôn sang čar Lâm Đồng gưl X, lŏ dơ̆ng đăo knang djŏ ruah ngă Khua Êpul gơ̆ng bruă ƀuôn sang čar gưl XI. Phung K’iăng Khua Êpul gơ̆ng bruă sang čar mâo K’Mák,Tiêu Hồng Phúc,Y Quang BKrông, Nguyễn Thị Thuận Bích, Mai Thị Xuân Trung leh anăn Đa Cát Vinh.  

Hŏng Knơ̆ng bruă sang čư̆ êa čar, Hồ Văn Mười, K’iăng Khua bruă Đảng čar, lŏ dơ̆ng djŏ ruah Khua Knơ̆ng bruă sang čư̆ êa čar Lâm Đồng wưng 2026 – 2031 hŏng 100% sa ai tŭ ư. K’iăng Khua Knơ̆ng bruă sang čư̆ êa čar mâo: Lê Trọng Yên, Võ Ngọc Hiệp, Nguyễn Hồng Hải, Nguyễn Minh, Nguyễn Ngọc Phúc leh anăn ĐinhVăn Tuấn. Blŭ hrăm hlăm klei bi kƀĭn, Y Thanh Hà Niê Kđăm, Khua dlăng bruă Đảng čar, Khua Êpul bi ala bruă kƀĭn ala čar Lâm Đồng mñă klă, bruă bi leh anăn phung khua gĭt gai phŭn hlăm klei bi kƀĭn anei jing tur knơ̆ng yuôm bhăn čiăng kơ êpul mă bruă sang čư̆ êa hnưm hơĭt kjăp, pŏk ngă tŭ dưn dŭm bruă klam mđĭ kyar bruă duh mkra- ala ƀuôn, rơ̆ng lĭng kahan - klei êđăp ênang hlăm wưng 2026 – 2031.