Ƀuôn hgŭm Tiến Thành, čar Lâm Đồng bi hgŭm hŏng phung đru leh anăn phung mâo ai tiê kmah mkŏ mjing hdră “Mlam mơak mlan pur” kơ phung hđeh mâo klei dhĭp dleh dlan ti alŭ wăl. Hlăm jar hdră, phung hđeh mâo dlăng klei kdŏ anak  rai, dlăng klei kdŏ mmuñ kyua phung hđeh mdah leh anăn hmư̆ klei yăl dliê kơ  Y Rit - aduôn Sun. Gưl anei, bi ala kơ khua gĭt gai ƀuôn hgŭm Tiến Thành leh anăn dŭm anôk bruă đru mđup brei leh êbeh 1.550 hnư mnơ̆ng, ênoh jih jang êbeh 125 êklăk prăk kơ phung hđeh mâo klei hdp dleh dlan mơak knăm mơak mlan pur.

Ti sang hră gưl sa Phan Thanh 2 (anôk mtô 2), să Hồng Thái, čar Lâm Đồng, bi ala kơ Mũi Né Bay Resort ăt mđup brei 100 hnư mnơ̆ng leh anăn 20 hră ênua mdrao mgŭn kơ phung hđeh mnuih djuê ƀiă dleh dlan. Hnư mnơ̆ng anei jing klei hmao mđĭ ai tiê hriăm hră mơar kơ phung hđeh hlăm thŭn ti anăp.

Bruă êdam êram knơ̆ng bruă mdrao mgŭn čar Quảng Ngãi mbĭt hŏng dŭm anôk bruă mrâo bi mguôp mkŏ mjing Knăm mlan pur 2025 ti wăl tač hruê 16/3, ƀuôn hgŭm Kon Tum. Êbeh 130 čô hđeh mơ̆ng ƀuôn hgŭm Kon Tum leh anăn anôk bruă sang phung hđeh Diên Hồng ngă klei kdŏ mmuñ hơ̆k mơak, jiă kma ai êwa knăm mlan pur.

Dŭm klei mmuñ bi mni kơ Awa Hồ, klei khăp gŏ sang mbĭt hŏng klei kdŏ čhuang knhuah gru alŭ wăl mkŏ mjing klei hơ̆k mơak. Kdŏ anak rai, mă pui leh anăn boh nik jing klei hlăp mgưt Klei yăl dliê kơ aduôn sun jing mta kñăm, hơ̆k mơak kơ phung hđeh leh anăn mnuih ƀuôn sang alŭ wăl yŭ čar. Hŏng akŏ “Pui hruh kuič mngač klei hmăng hmưi”, hdră iêo mkrum leh mơ̆ng dŭm anôk bruă, knơ̆ng bruă mđup brei 1.800 hnư mnơ̆ng leh anăn 300 klei đru hriăm hră