Lu phung hđeh brei thâo mâo leh klei mprăp mŭt hlăm klei bi lông. Êpul gĭt gai klei bi lông mñă kơ dŭm anôk bi lông mkŏ mjing djăp klei găl kơ phung hđeh mâo ai tiê hnuk ênang hlăm jih klei bi lông thŭn anei, čar Dak Lak mâo êbeh 21.000 čô bi lông ti 33 anôk bi lông hŏng êbeh 870 adŭ bi lông ti dŭm kdriêk, wăl krah, ƀuôn prŏng. Êbeh 3.000 čô knuă druh, phung nai dlăng klei bi lông leh anăn phung đru bruă ti dŭm anôk bi lông. Čiăng kơ phung bi lông mâo klei hơĭt hlăm klei bi lông, Phạm Đăng Khoa, Khua knơ̆ng bruă sang hră mơar čar Dak Lak, k’iăng êpul khua gĭt gai klei bi lông bi ruê̆ gưl 3 gưl čar mñă kơ êpul gĭt gai klei bi lông dŭm gưl mkŏ mjing grăp klei găl đru kơ phung hđeh.

Lâm Đồng mâo giăm 15.500 čô hđeh nao bi lông, hlăm anăn êbeh 2.500 čô hđeh mnuih djuê ƀiă. Čiăng rơ̆ng klei bi lông dưi mkŏ mjing êđăp ênang, djŏ hdră bhiăn, mâo klei jăk găl hlăm klei găn êrô, dôk mdei, huă ƀơ̆ng, Lâm Đồng mkăp leh 675 adŭ bi lông ti 39 anôk bi lông hlăm kluôm kdriêk, ƀuôn prŏng hlăm čar.

Hluê si Phạm S, Kơiăng khua Anôk bruă sang čư̆ êa čar Lâm Đồng, mbĭt hŏng bruă rơ̆ng kjăp anôk bruă nah gŭ, mnuih mă bruă dlăng klei bi lông, čar lŏ mđing kơ hdră rơ̆ng klei êđăp ênang êlan klông, klei doh êƀăt mnơ̆ng dhơ̆ng, anôk mdei kơ phung hđeh kbưi. Ară anei, djăp hdră dưi mprăp ênŭm, čiăng kơ klei bi lông dưi mkŏ mjing êđăp ênang lehanăn djŏ hdră./.