VOV4.Êđê- Ti alŭ wăl Lăn Dap Kngư, bruă sang čư̆ êa lehanăn dŭm dhar bruă ăt mđing hlue ngă dŭm hdră mdrơ̆ng hŏng angĭn êbŭ mrô 4. Aguah mbrue (27/9) čar Kontum mâo mkŏ mjing leh truh 3 êpul truh hlăm dŭmkdriêk anôk kreh mâo klei amâo mâo jăk grăp blư̆ angĭn hjan truh, ksiêm dlăng bruă mdrơ̆ng hŏng angĭn êbŭ. Dŭm kdriêk hlăm čar Kontum bi klă angĭn êbu anei srăng hmăi amâo mâo jăk truh hŏng dŭm kdriêk Đăk Glei; Tu Mrŏng; Kon braih, lehanăn Kon Plong.

Bruă sang čư̆ êa lehanăn dŭm dhar bruă mbĕ phung ƀuôn sang mơ̆ng dŭm anôk ênưih klưh hroh. Ti Gialai, knơ̆ng bruă pui kmlă Gialai nao ksiêm dlăng leh jih êlan klei pui kmlă, lŏ bi kjăp dŭm anôk amâo mâo jăk. Bi ti Daklak, jing čar mâo ênoh mâo knơ̆ng kdơ̆ng êa lu hĭn ti Lăn Dap Kngư, snăn lŏ kiă kriê bi kjăp klei pŏk kđăl êa. čar Lâm Đồng gĭt gai leh dŭm knơ̆ng bruă dôk kiă kriê djăp ênao knơ̆ng kdơ̆ng êa hlue ngă bi djŏ hŏng mta mtrŭn./.

Pô mblang: Y-Khem Niê