Nao lehanăn blŭ hrăm ti knăm anei, Khua hlăm Phŭn bruă kđi čar, Khua anôk bruă Hdră êlan mtrŭn gưl dlông Nguyễn Thanh Nghị hơêč hmưi leh mnuih mâo bi mni; mñă, phung mda asei jing tur knơ̆ng lar bra ai tiê jăk siam, klei khăp mơai kơ ênuk gưl hđeh hlăm bruă tui hriăm, ksiêm dlăng, ngă bruă, mlih mrâo, ngă phŭn kdrăp kreh knhâo, jhŏng mĭn, jhŏng ngă lehanăn duh myơr kyua klei tŭ dưn ala čar, djuê ana.

Mơ̆ng 145 hră mơar mơ̆ng 37 êpul bruă, Êpul hgŭm pah mni mơ̆ng dua gưl ksiêm bi mklă lehanăn ruah online dưi bi mklă leh 10 čô êdah êdi. Grăp čô ba leh klei khăp mơai, amâo djŏ knŏng mĭn mrâo, duh myơr ƀiădah lŏ nao hgŭm kriê dlăng, lar bra klei thâo săng lehanăn mđĭ kyar anăn knăl Việt Nam truh hŏng tar rŏng lăn./.