VOV4.Êđê - Mđĭng truh bi hdơr 75 thŭn hruê kahan êka êkeh – djiê êngiă (27/7/1947-27/7/2022), lĭng kahan knông lăn čar Dak Lak mkŏ mjing klei mtrŭt mjhar bi lông, bi ktưn “Mnăm êa hdơr kơ hnoh” bi hdơr kơ phung mâo ai đru bruă krŭ kdơ̆ng. Mbĭt hŏng bi leh bruă klam dưi jao, dŭm anôk bruă hlăm êpul êya lĭng kahan knông lăn čar Dak Lak mtrŭt mđĭ leh bruă mtô mjuăt bi hriăm, hâo hưn kơ bruă “Mnăm êa hdơr kơ hnoh”, “hdơr knga tla ai”, hur har, čŏng pô tui hriăm leh anăn hluê ngă klei mĭn, knhuah hdĭp Hồ Chí Minh, klei mtrŭt mjhar “Bi lar knhuah gruh, đru mguôp klei thâo, năng hŏng klei hing ang lĭng kahan Awa Hồ” ênuk mrâo.

Bi hŏng bruă hŏng hdră đru, bi lông hluê ngă bruă đru kơ phung kahan êka, lĭng kahan ruă duăm, gŏ sang knŭk kna dlăng ba, mtrŭt mjhar phung knuă druh, lĭng kahan hur har nao hgŭm bi mguôp hlăm keh “Hdơr knga tla ai”, hluê ngă hdră rŭ mdơ̆ng “Sang klei khăp”, “Sang ƀing hgŭm”, “sang dôk 100 prăk”, mkŏ mjing bruă rông ba, kriê dlăng, čuă dlăng, mđĭ ai amĭ Việt Nam jhŏng ktang, mđŭp brei mnơ̆ng dhơ̆ng, hră mkriêt mkriêm hŏng dŭm gŏ sang lĭng kahan djiê êngiă, gŏ sang knŭk kna dlăng ba mâo klei hdĭp dleh dlan.

Y-Bel pô mblang