Lĭng kahan Trường Sơn čar Gia Lai bi tuôm, bi hdơr kơ 65 thŭn pŏk êlan Hồ Chí Minh
Thứ hai, 10:34, 20/05/2024
VOV Tây Nguyên
VOV Tây Nguyên
VOV4.Êđê- Êpul hgŭm knhuah gru Trường Sơn čar Gia Lai mrâo mkŏ mjing Knăm bi hdơr 65 thŭn hruê knhuah gru lĭng kahan Trường Sơn (19/5/1959- 19/5/2024).
Ti čar Gia Lai, Êpul hgŭm knhuah gru Trường Sơn–Êlan Hồ Chí Minh mâo êbeh 600 čô jing phung knuă druh, lĭng kahan, êdam êra ba anăp, phung tuôm hgŭm pŏk êlan Trường Sơn.
Hlăm knăm bi hdơr, phung bi ala lŏ bi hdơr dŭm thŭn mlan bi blah kdrưh kơăm “Mkra êlan Trường Sơn nao mtlaih ala čar”, đru yuôm bhăn hŏng lĭng kahan, mnuih ƀuôn sang kluôm ala mtlaih êngiê kluôm kwar Dhŭng, hluh lir lăn čar hlăm yan mnga thŭn 1975. Ară anei ktuê êlan Hồ Chí Minh găn 28 čar ƀuôn prŏng mơ̆ng Dưr truh Dhŭng, jing ktuê êlan yuôm bhăn kơ klei mđĭ kyar bruă duh mkra- ala ƀuôn, klei êđăp ênang lĭng kahan.
Viết bình luận