Nao hlăm klei kƀĭn trông mâo phung thơ̆ng kơ bruă, phung kreh knhâo, phung kriê dlăng mrô 1 leh anăn phung bi ala 5 čar krĭng Lăn Dăp Kngư. Yap truh mlan 6/2023, krĭng Lăn Dăp Kngư mâo 2.187 êpul hgŭm bruă, hlăm anăn mâo êbeh 1.600 êpul hgŭm bruă lŏ hma, bi adôk jing dŭm êpul hgŭm bruă êngao bruă lŏ hma. Khădah dưi bi klă kơhưm, bruă klam hlăm bruă mtrŭt mđĭ bruă duh mkra ala ƀuôn krĭng Lăn Dăp Kngư đĭ kyar, ƀiădah klei blŭ mguôp mơ̆ng pghung bi ala hlăm klei kƀĭn trông ăt lač klă Dŭm êpul hgŭm bruă ti alŭ wăl anei dôk tuôm hŏng lu klei lông dlăng leh anăn klei kpăk msĕ si Klei thâo săng, ai dưi ngăn prăk leh anăn hnơ̆ng tŭ jăk mñuih mă bruă…

Čiăng kơ bruă duh mkra êpul hgŭm bruă krĭng Lăn Dăp Kngư găn jih klei dleh dlan leh anăn lŏ dơ̆ng đĭ kyar, hlăm klei kƀĭn trông, phung bi ala kñăm bi trông, hlăk mblang bi klă boh sĭt mđĭ kyar bruă duh mkra êpul hgŭm bruă krĭng Lăn Dăp Kngư ară anei, phŭn agha ngă truh klei dleh dlan, kpăk gun leh anăn hdră tă čiăng mtrŭt mđĭ bruă duh mkra êpul hgŭm bruă ti krĭng Lăn Dăp Kngư lŏ dơ̆ng đĭ kyar hlăm wưng kơ anăp.