Lŏ mâo sa čô nao hưn klei soh - Klei êđăp ênang čar Dak Lak lŏ wĭt msĕ hŏng aguah tlam
Thứ năm, 08:11, 15/06/2023
VOV Tây Nguyên
VOV Tây Nguyên
VOV4.Êđê- Aguah 14/6, Trung tướng Tô Ân Xô, Pô blŭ bi ala Phŭn bruă kahan ksiêm brei thâo, boh klei êđăp ênang kluôm čar Dak Lak lŏ wĭt msĕ aguah tlam, mâo thiăm sa čô čŏng nao hưn klei soh čiăng knŭk kna pap.
Hlue si klei hưn mdah mơ̆ng Kahan ksiêm Dak Lak, klei êđăp ênang kluôm čar Dak Lak lŏ wĭt msĕ aguah tlam, klei hdĭp mda ala ƀuôn amâo mâo klei bi mlih. Klei hdĭp grăp hruê lŏ msĕ si ai êwa dŭm hruê êlâo 11/6.
Hlăm mmăt 13/6 mâo leh sa čô hlăm klei ngă soh čŏng nao hưn klei soh. Snăn, truh ară anei mâo 3 čô ngă bruă hlăm ksĭng ngă ti anôk bruă kahan ksiêm dua să Ea Tiêu leh anăn Ea Ktur čŏng hưn klei soh čiăng knŭk kna pap brei. Yap truh aguah 14/6, êpul bruă djŏ tuôm mă leh jih jang 46 čô ksŭng ngă ti Knơ̆ng bruă sang čư̆ êa să Ea Tiêu leh anăn Ea Ktur. Kahan ksiêm čar Dak Lak lŏ dơ̆ng iêô mthưr phung soh čhuai čŏng hưn klei soh čiăng mâo klei pah brei./.
Viết bình luận