VOV4.Êđê- Hrue 13/3, dŭm phŭn dhar bruă bi ala knŭk kna Việt Nam djŏ tuôm hŏng bruă tio nao dua boh êdeh phiơr nao mdiăng giăm 600 čô mnuih Việt Nam lehanăn go sang digơ̆ kbiă đuĕ mơ̆ng Ukraine nao kơ Poland lehanăn Rumani wĭt kơ ala čar hŏng klei êđăp ênang. Hlăm anăn, mâo 138 čô hđeh mơ̆ng 3 mlan truh 18 thŭn, 70 thŭn kơ dlông lehanăn mbĭt hŏng lu phung mnie ba tian, lehanăn mnuih ruă. Amâo mâo ƀiă ôh mnuih hdĭp leh êbeh 30 thŭn ti Ukraine. Wĭt kơ lăn čar êjai dôk găn klei bi blah, lu mnuih amâo lŏ mâo hră asei ôh. Siămdah dŭm phŭn dhar bruă čŏng gĭt gai dŭm êpul bruă djŏ tuôm ti tač êdeh phiơr đru kơ bruă hưn thâo, bi klă čiăng mkăp hră mơar dưi wĭt./.

         Pô mblang: Y-Khem Niê