Trung tướng Phạm Trường Sơn, K’iăng khua đru kčĕ lĭng kahan yang ƀuôn Việt Nam nao lehanăn jao Medai yuôm bhăn anei kơ Lữ đoàn Đặc công jhŏng ktang. Mđĭ lar knhuah gru êpul êya jhŏng ktang, mŭt hlăm wưng mrâo, Lữ đoàn Đặc công 198 bi hgŭm mguôp, sa ai mkŏ mkra êpul êya kjăp ktang hlăm hdră kđi čar, ai tiê klei mĭn, knhuah hdĭp, knhuah mă bruă, hdră mkŏ mjing lehanăn hdră knuă druh.

Phung knuă druh, lĭng kahan thâo săng kjăp kơ knhuah kđi čar, knhâo, thâo mĭn, jhŏng, sĭt suôr hŏng klei mĭn lehanăn hdră êlan mlih mrâo mơ̆ng Đảng. Đại tá Nguyễn Minh Mạnh, Khua bruă Đảng Lữ đoàn Đặc công 198 mñă, knuă druh, lĭng kahan jiă kma klei mĭn lehanăn mđĭ lar knhuah jăk siam Lĭng kahan Awa Hô lehanăn knhuah gru lĭng kahan đặc công jhŏng ktang, mprăp bi leh jih bruă klam mâo kčah jao./.