Blŭ pŏk klei bi lông, Khua êpul bruă hâo hưn gưl dlông Nguyễn Trọng Nghĩa hmăng hmưi bruă mđung asăp srăng ngă jăk nanao klei awa Hồ mtă: Čih klei mrâo srăng mđing si srăng čih, si srăng blŭ čiăng kơ phung hmư̆ thâo săng klei pô čiăng hưn, brei kơ phung hmưi ênuih hdơr, ênưih ngă.

Mbĭt hŏng dŭm mta bruă klei mrâo, mđung asăp srăng rơ̆ng kjăp bruă klam nao êlâo hlăm mặt trận klei mĭn, dhar kreh mơ̆ng Đảng, năng djŏ hŏng klei hmăng hmưi leh anăn klei đăo knang mơ̆ng mnuih ƀuôn sang. Mkŏ mjing mơ̆ng hruê 9 – 14/7, Klei bi lông knhal tuč Bruă mđung asăp kluôm ala tal 16 lŏ mâo lu mta bruă mơak êdi. Anăn jing klei kƀĭn trông kluôm kơ klei mlih mrô hdră mđung asăp: Boh sĭt tar rŏng lăn leh anăn Việt Nam, Klei kƀĭn trông mđung asăp klă anăp hlăm wưng lu kdrăp hâo hưn hưn, lu tur knơ̆ng. Hdră kdŏ mmuñ Chèo kluôm ala tal 9 thŭn 2024 leh anăn klei bi lông êlan “Kyua êlan mđung asăp ktang”.