Boh nik, Klei kƀĭn mâo 210 čô bi ala kơ phung hriăm lu, phung mă bruă kreh knhâo, văn nghệ sĩ mâo boh tŭ êdah êdi hlăm hdră mă bruă, đru mguôp mkŏ mkra hdră kdrăp mrâo, hdră mjuăt bi hriăm mơ̆ng ala čar lehanăn dhar kreh Việt Nam jiă knhuah djuê ana.

Blŭ ti knăm anei, Khua lăn čar Võ Văn Thưởng bi êdah klei mpŭ, lač jăk kơ phung hriăm lu, phung mă bruă kreh knhâo, văn nghệ sĩ – jing pô myơr leh klei thâo lehanăn ai tiê, ngă bruă amâo thâo suaĭ êmăn hŏng klei khăp kơ anak mnuih lehanăn ala čar, mbĭt anăn đăo knang, phung hriăm lu, phung mă bruă kreh knhâo, văn nghệ sĩ Việt Nam khă dôk hdĭp hlăm lehanăn êngao ala čar hŏng klei khăp lehanăn klei đua klam, klei thâo lehanăn mĭn mrâo srăng đru kơ Ala čar đĭ kyar nanao, hrăm mbĭt ksul mbŭ, mđĭ lar klei bi hgŭm mguôp jih jang djuê ana lehanăn dŭm boh tŭ siam knhuah dhar kreh, anak mnuih Việt Nam, mjing ai ktang prŏng, ba ala čar anei ƀrư̆ hruê ƀrư̆ đĭ kyar, sah mdrŏng lehanăn yâo m’ak./.