Knơ̆ng bruă sang čư̆ êa čar Dak Lak ksiêm dlăng, thâo ƀuh, bi kdơ̆ng, msir mgaih klei ngă soh hŏng Hdră bhiăn răng mgang dliê adôk mâo lu klei kƀah. Klei duah mă, čhĭ mnia, dŭ mdiăng mnơ̆ng dhơ̆ng hlăm dliê soh hŏng hdră bhiăn, ksĭng mmiă lăn dliê ăt adôk dleh ktuê dlăng.

Klei phung hiu dôk soh hdră bhiăn nao bi rai dliê, ksĭng mmiă lăn dliê mâo lu ti dŭm kdriêk. Boh tŭ mtô bi hriăm, gang mkhư̆ mơ̆ng hdră bhiăn kơ klei răng mgang dliê msĕ si amâo mđĭ lar ôh ti lu alŭ wăl. Hlăk êjai anăn, lu pô dliê phưi tha klei kriê dlăng. Lu Pô dliê luč klei dưi răng mgang dliê tơdah êpul thơ̆ng kơ bruă răng mgang dliê mdei bruă mâo lu./.